ඉතිහාසය

1930 වසරේ දී සිසුන් 20 දෙනෙකුගෙන් පමණ සහභාගිත්වයෙන් ගාල් පට්ටියේ ගෙදර වත්තේ නැමති ස්ථානයේ  කටුමැටි ගා මානන් සෙවිලි කළ කුඩා මඩුවකින් ආරම්භ කළ කැන්දගොල්ල විදුහල 1934 දී පමණ වත්මන් පාසල තිබෙන භූමියට ගෙනවිත් තාවකාලික ශාලාවක් ඉදි කර සිසුන් 100-200  කින් පමණ විදුහල පවත්වාගෙන ගොස් ඇති බව ජනප්‍රවාදයේ දැක්වේ. රජයේ ස්ථිර ගොඩනැගිල්ලක් ලැබුණායින් පසු 1934.10.01 දින ඩී.ජේ හෙට්ටිආරච්චි විදුහල්පතිතුමා යටතේ බ/කැන්දගොල්ල විදුහල ලෙස ආරම්භ ව ඇත.

            එදා මෙදා තුර වසර 86 පසු කරමින් විදුහල්පතිවරු 18 දෙනෙකු පමණ මෙම විදුහලට සෙවන ලබා දුන් අතර, 1934 ආරම්භ කළ කැන්දගොල්ල විදුහල පියවර ගණනාවක් පසුකරමින්, 2012 වර්ෂය වන විට ද්විතීයික විද්‍යාලයක්  බවට පත්ව ඇත. 2016 වර්ෂයේදී  ළඟම පාසල හොඳම පාසල ව්‍යාපෘතිය යටතේ තවදුරටත් සංවර්ධනය කරන ලදී.

            වසර අසූ හයක් පුරාවටම විවිධ ජයග්‍රහණ රාශියක් සෑම අතින්ම හිමිකරගනිමින් අභිමානනීය පුරවැසියන් විශාල සංඛ්‍යාවක්  රටට දායාද කළ මෙම විදුහල් මාතාව අද ඇයගේ සාඩම්බර ගමන දෙස ආපසු හැරී සතුටු වන්නීය. 2022   වර්ෂය වන විට 258 කට ආසන්න දරු දැරියන් පිරිසක් ඉගෙනුම ලබන මෙම විදුහලේ ගුරු අධ්‍යයන කාර්ය මණ්ඩලය 41 වන අතර අනධ්‍යයන කාර්ය මණ්ඩලය 5 දෙනෙකුගෙන් ද සමන්විත ය.

            භෞතිකව වශයෙන් ගොඩනැගිලි රාශියක් හා විවිධ උපකරණ ලැබී ඇති මේ පාසලේ අධ්‍යයන කටයුතු සාර්ථකව  සිදුවෙමින් පවතී.  ප්‍රසිද්ධ විභාග වලින් ජයග්‍රහණ රාශියක් හිමිකරගෙන තිබේ.මෙම විදු මව තවත් චිරාත් කාලයක් වැජඹේවායි  පතමි.